مرت 6 سنوات منذ انتشار فيروس كورونا...
هناك أشخاص لاحظوا أن الزمن بعدها أصبح أسرع، والأيام تختفي، والأسابيع تتلاشى، ووصف البعض بأن الـ 6 سنوات الماضية كأنها حلم... كأن هناك فجوة زمنية حدثت...
كم شخص لاحظ هذا الأمر؟
ودي اقول شي بس اسمعوني…
ترى فيلم Interstellar تكلم عن كل حاجة قاعدين نعيشها الحين واللي يفهم يفهم عاد!
تعالوا اشرح لكم المقصد علميًا عشان لما تشوفون الفيلم تعرفون الاسقاط اللي قاعدين نعيشه وكيف فكرته اللي اقصدها!
أكثر شيء يخوّف مع العمر هو إحساس “الوقت قاعد يركض كأنه يتبخر بدون ما نحس.
لكن اللي نعيشه نفسيًا اليوم، شرحه Interstellar بطريقة علمية دقيقة، خصوصًا في كوكب ميلر. وشلوووون؟
على كوكب ميلر، الجاذبية اللي جاية من الثقب الأسود Gargantua مو بس شدّت الماء شدّت الزمن نفسه.
طيب وش له هالكلام والفلسفة الزايدة؟ اسمع! حسب النظرية النسبية العامة لآينشتاين:
كلما زادت الجاذبية، تباطأ الزمن.
الزمن مو شي عالمي ثابت… الزمن ينحني، ينضغط، ويتغير حسب المكان اللي أنت فيه.
لذلك، بالفيلم على كوكب ميلر:
ساعة واحدة = 7 سنوات على الأرض.
الزمن كان يمشي هناك بطئء بشكل جنوني وهنا يمشي مسرع شلون؟
وهنا يدخل البعد الفلسفي:
إحنا كبشر نعيش نسخة مشابهة بس من الداخل:
الروتين، الضغط، وغياب التجارب الجديد كلها مثل “جاذبية نفسية” تضغط وعينا وتخلي الزمن يمر بسرعة بدون ما يحسّ فيه المخ.
بينما اللحظات الأولى، مثل التجارب الجديدة، السفر، الوظيفة الجديدة، حتى الخوف! كلها تخفّف هذا “الثقل” فيتمدد الزمن ونحسه أطول ونعيش كل لحظة فعلاً
Interstellar قالها بطريقة علمية: المكان يغيّر سرعة الزمن.
وحياتنا تقولها بطريقة إنسانية: الوعي يغيّر شعورك بالزمن, للأسف ممكن؟ عشان كذا كل شي قديم حلو وتحس بلحظته
على ميلر، الزمن كان أسير جاذبية الثقب الأسود.
وفي حياتنا، الزمن أسير طريقة عيشنا.
النظرية النسبية مو بس قانون فيزيائي… هي تفسير دقيق لطريقة إحساس الإنسان بالحياة.
كل شخص يعيش زمنه الخاص، مثل كل كوكب يعيش سرعته الخاصة.
اتمنى وصلكم الشرح.. عمومًا الفيلم علميًا خارق. وايه صح اذا شفتوه اقرأوا عن البُعد الخامس وفلسفته اللي ذكرها … شي يفوق العقل البشري
في 2014 سميت الفيلم ذا الفيلم المعجزة وماكان من فراغ … احب السينما
طيب لو تفكر في السنوات الي قبل فايروس كورونا بتحس بنفس الشعور وكان السنوات مرت في لحظه يعني ان الشعور الي نحس فيه طبيعي لو تفكر ب واقعيه
فعلا كلامك صحيح